旺角雅蘭中心店

重要一刻

雖然未訂婚期,但一早已有結婚計劃,結婚最重要一件事就係------揀戒指!!!!

先前已做左好多research搵左好幾間戒指店,神推鬼擁下見到I-PRIMO既FB廣告做緊夏日優惠,見到優惠緊係唔汁輸約左時間上旺角雅蘭中心睇戒指,心諗睇左先,到時睇唔岩再算。

一去到諮詢師Fion招呼我地坐低揀對戒,因為我隻手比較纖幼,好專業咁教我睇較幼身同有弧度既戒指,睇落去會比較修長,睇左第1對對戒已經好鍾意,我男友亦覺得好好睇,佢亦有俾多幾對我試上手睇下,亦有試過其他冇弧度既款,都係覺得第1對試既最好睇。

然後再睇埋訂婚戒指,首先睇左戒指先,全部都好靚同好特別,係出面冇既款,我亦都睇中左一隻,所以我地決定買埋,然後揀鑽石,諮詢師會先講解點睇鑽石優劣,然後會建議你買幾大粒,唔係話愈大愈好而係睇返自己手型。

睇左成3個幾鐘,終於揀好對戒同訂婚戒,要等1個月先有得拎,真係超級期待!!!!諮詢師真係好專業好有HEART,睇下咩類型既適合自己,而唔係揀D最貴既款哄你買,亦好有耐性解釋,感覺好NICE好幫到自己,如果有FD結婚我都會叫佢去I-PRIMO

重要一刻