鮮花同戒指可謂求婚環節兩大要素，對於男士來講，因為每年總要送幾次花，要知道女朋友中意乜花卉品種其實唔難。但系女朋友中意乜款式嘅戒指，好多男士都未必知道。

求婚買戒指，要神秘驚喜，又要一擊即中，男士們應該點樣選購呢？

方法一：邀請閨蜜助攻

如果你直接問女朋友心水款式，相信佢都會立即估到你嘅用意，求婚時就會全冇驚喜，甚至會覺得你冇誠意。但由閨蜜日常假裝閒聊，旁敲側擊，相信女士們都會不經意透露自己嘅心頭好。如果你認識女朋友嘅close friends，不妨大膽邀請閨蜜助攻，並且一齊參與選購。

方法二：多留意女朋友日常飾物

耳環、頸鏈、手鏈、手錶……女朋友嘅飾物何其多，只要你肯多花少少心思，認真觀察佢日常穿戴嘅飾物，都可以從中窺探到女朋友嘅大概喜好。例如：設計簡約or精巧？古典or現代風格？最常見嘅顏色？跟住呢個大方向選購，通常都唔會錯！

方法三：先購買基本款，之後再轉換

如果以上兩種方法都唔適用，唔緊要！因為I-Primo可以俾你先預購基本款式，等你成功求婚後，再同凖新娘一齊到店內慢慢挑選最啱心水嘅款式，屆時只需要補上差價就可以。可以事後轉換，男士們心理壓力當然立即減輕啦！

其實求婚最重要都係心意，只要男士們盡力挑選，就算唔係最中意嘅款式，相信女朋友都會感受到你嘅真誠。因為佢最中意嘅唔係隻戒指，而係你啊！