留下甜蜜回憶!求婚拍片3大注意事項

預約求婚諮詢

求婚知識庫

「覺得「差不多到了該求婚的時候!」,卻總是在煩惱不曉得該從何著手?我們悉心準備了「符合兩人預算及理想的幸福婚戒」、「最真誠的求婚告白建議」、以及「熱門求婚場地」等,希望能夠協助您一掃求婚準備時的困惑與煩惱!

留下甜蜜回憶!求婚拍片3大注意事項

小心留意!三款女生討厭的求婚方式

男士們為咗氹女朋友高興,好多時求婚都會準備一場「大龍鳳」以表心意。但求婚之前最好先有打聽清楚佢嘅喜好,一唔小心用咗樣佢唔鍾意嘅方式求婚,分分鐘俾另一半怨一世!下面係好多女生都討厭嘅方式求婚,俾男士們參考下啦!

shutterstock_1144276694大庭廣眾下求婚

呢樣好兩極,有啲女仔好享受、覺得好威風,但有啲就會覺得有啲唔識嘅人圍住自己好尷尬、接受唔到,所以男生要了解清楚女朋友屬於邊種性格先。另外,有啲男生會學日劇咁大肆鋪張,喺條街度跳舞/唱歌/表演樂器,除非你嘅表演有專業質素,否則女仔喺條街度望住跳得唔好睇、唱得好難聽嘅另一半,唔感動之餘都幾尷尬。

shutterstock_123435670

喺特別日子求婚

好多男生都會喺紀念日、生日等特別日子求婚,但驚喜度自然大大降低,當然唔及喺完全估唔到嘅日子求婚咁surprise啦!另外,亦都唔好喺人哋嘅婚禮上面求婚,始終個婚禮係屬於嗰對新人嘅,搶人風頭可能會令到嗰對新人唔高興,亦都令到女朋友尷尬。

shutterstock_1018267531素顏時求婚

對好多女仔嚟講,求婚係好重要嘅時刻,當然希望喺自己準備好嘅時間發生。有啲男生喺同居女友啱啱起身、未梳洗又未瞓醒嗰時求婚,女生可能會好介意。唔影相留念又可惜,但就算影咗,都未必可以同其他人分享。穩陣起見,最好喺女生好肯定會化妝嘅日子同場合求婚,咁就無甩拖喇!