跟OPPA學求婚 韓劇求婚場景推介

預約求婚諮詢

求婚知識庫

「覺得「差不多到了該求婚的時候!」,卻總是在煩惱不曉得該從何著手?我們悉心準備了「符合兩人預算及理想的幸福婚戒」、「最真誠的求婚告白建議」、以及「熱門求婚場地」等,希望能夠協助您一掃求婚準備時的困惑與煩惱!

跟OPPA學求婚 韓劇求婚場景推介

每次睇韓劇,高富帥男主角向白富美女主角求婚,都令fans睇到神魂顛倒。求婚除咗男女主角,場景都好重要,以下4個地方,係咪你最期待嘅求婚地?

《塑身女神》──香草島樂園

位於京畿道抱川市嘅香草島樂園,係《塑身女神》中蘇志燮向申敏兒求婚嘅地點。園內設有DIY體驗館、香草博物館、餐廳及手信店等設施,到咗夜晚,園內會點亮燈飾,化身浪漫國度,最適合拿出婚戒向伴侶求婚。

Article 17_image1(網絡圖片)

 看見味道的少女》──普羅旺斯村

韓國有個普羅旺斯?位於京畿道坡州市嘅普羅旺斯村,充滿法國小鎮風情,冬季晚上更有期間限定燈節,令普羅旺斯村充滿童話氣息。劇中男主角朴有天以香水噴字向女主角申世景求婚,雖然超現實,但係好有意境,誰說求婚一定要下跪、花束和婚戒?

Article 17_image2(網絡圖片)

《她很漂亮》──兩水頭公園

求婚一刻,想以山為證、水為盟?不妨參考劇中朴敘俊向黃正音求婚嘅場景──兩水頭公園。公園位於北漢江及南漢江交匯處,擁有古老碼頭、翠綠山色和垂柳,更有一個大畫框,係情侶合照最佳背景,就連韓國人都會去兩水頭公園影婚照。

Article 17_image3(網絡圖片)

《Doctors》──碧草池文化樹木園

另一個青翠滿目嘅求婚場景,係《Doctors》中金來沅向朴信惠求婚嘅碧草池文化樹木園。呢個結合歐陸花園及韓式庭園嘅園區,有啲與世隔絕嘅感覺,冬季更有浪漫燈飾,所以成為多齣韓劇如《來自星星的你》、《花樣男子》嘅拍攝地點。

Article 17_image4(網絡圖片)