荃灣荃新天地店

選購婚戒過程

其實我一直都有睇開婚戒,始終帶一世都唔想後悔。I-Primo係講緊我未同男朋友一齊之前都已經睇緊其實睇過嘅婚戒公司都好多,仲有睇好多台灣blogger嘅推介,都推呢間公司同埋都知呢間公司係嚟自日本,我本身自己都對日本有信心。

之後上埋I-Primo網站嘅介紹都幾中意,所以其實我定期都會上佢嘅網去cap低我想要嘅款。本身有諗過去小店訂造嘅,但最後我卻步係因為驚我訂造完突然唔中意個款我無退路大公司就唔會有呢啲問題。不過真心,我都有段時間有猶豫過主要就係I-Primo嘅男士戒指款式較少,而且我男朋友中意鑽石喺外面,但佢哋較多款都係鑽石喺裏面,一點係有令我猶豫左一陣,不過最後都係決定去I-Primo買。

最後就約咗時間去荃新天地嘅專門店度買,一入鋪頭就同嗰度嘅職員Sophia講我哋想要嘅款,佢嗰陣都同我地講好多新人都唔會揀真係一對嘅對戒,叫我地可以放心咁揀。仲記得當時男士戒指得兩款係有石嘅,Sophia為咗配合男朋友嘅口味去搵左啲睇落較為中性嘅戒指比我男朋友去試,好helpful同埋其實我男朋友有好多要求,Sophia佢好細心咁搵咗一款我男朋友都好滿意嘅款式俾佢帶,仲令到佢摒棄左佢一定要有石喺鑽戒上面嘅念頭其實我對戒指冇乜好清晰嘅方向, Sophia會慢慢guide着我哋去揀到我哋最中意嗰款,同埋佢有就住我哋手嘅特色去分析返究竟我哋適合帶咩戒指,同埋佢都會好均真咁樣講番俾我聽我想要嗰啲款可能有時候真係唔係幾適合我,所以其實sophia真係好幫到手不過如果你哋真係中意有鑽石,呢間公司係多款,但未必有咁多男戒有石嘅款比你揀,加上我同我男朋友嘅手都較幼,但佢哋上手嘅size得一種,所以如果隻手偏幼同細嘅話上手嘅效果真係未必咁清楚。

但有個位係呢間公司嘅特點,就係佢哋嘅石係唔會凸出嚟,因為佢哋公司嚟自日本,日本女人都較係家庭為主要做好多家務,所以佢哋嘅設計都會係咁,呢個位令我好放心同埋我最後出嚟嘅成品真係好fit size好舒服,所以真係好好!有少少額外資訊就係佢會教下我哋去睇下啲鑽嘅級別,講比我哋聽個分別喺邊,同埋比我哋諗清楚自己需要到咩嘅程度,自己去衡量返,唔會好hardsell我哋一定要買最貴,都好尊重我哋嘅決定同埋好中肯咁比意見所以我好推介大家都睇吓佢哋嘅款睇下啱唔啱自己~

選購的訂婚鑽戒款式是:
Lilium : https://www.iprimo.hk/engagement/rings/lilium.html
選購的結婚對戒款式是:
Hatur: https://www.iprimo.hk/marriage/rings/hatur.html