荃灣荃新天地店

一輩子的相伴

當決定要買結婚戒指既時候, 去左好多間係香港比較大型既珠寶店睇唔同戒指既款式,但始終覺得個設計同自己夢想中既婚戒有些微既差別,感覺上對戒指只係一件死物, 就係用黎完成個結婚儀式既一對金屬圈。

好機緣巧合底下, 朋友介紹我地去左依間日本品牌既首飾店, 係網上睇完的款式後覺得同平時睇開既連鎖店感覺上無咁一式一樣, 我地好快就上網預約左幾日後去荃新天地睇, 初時見到有諮詢師都不以為意。

到左當日, 諮詢師VICKY帶住好燦爛既笑容迎接我地, 入到去之後, 唔知係間鋪頭既氛圍,定係Vicky輕鬆既語調, 我地都連帶覺得輕微同埋自在。

因為一開始上網睇左部份既款式, 我地都已經有個大約既方向想搵邊種類型既戒指, 但Vicky好有耐心咁分析俾我地聽到底邊種戒指適合邊啲人戴, 戴上後又會呈現到乜野感覺, 有D戒指原來望上去同戴上去既感覺真係可以好唔同, 而唔同戒指款式入面又有乜野唔同既特別設計, 甚至我地無諗到18K金,鉑金有的咩唔同, 又有乜野既優劣之處, Vicky都好詳細咁講解左俾我地聽。

最後, 係我地問左差唔多幾十條問題, 試左差唔多成個櫃既戒指後, 我地終於揀到一對代表到我地之間既故事, 又代表到我地互相對另一半心意既戒指同寶石。

揀到依對戒指, 我地真係好感激好多謝Vicky, 好彩有佢既專業知識同埋耐心既講解, 最重要係過程之中帶俾我地安心既感覺, 等我地可以慢慢考慮, 揀到一對真係適合我地,相伴我地一世, 滿載住對對方愛意同承諾既結婚戒指。

選購的結婚對戒款式是:
Alceste: https://www.iprimo.hk/marriage/rings/alceste.html