向藝人老公偷師!細數明星們的求婚方式

預約求婚諮詢

求婚知識庫

「覺得「差不多到了該求婚的時候!」,卻總是在煩惱不曉得該從何著手?我們悉心準備了「符合兩人預算及理想的幸福婚戒」、「最真誠的求婚告白建議」、以及「熱門求婚場地」等,希望能夠協助您一掃求婚準備時的困惑與煩惱!

向藝人老公偷師!細數明星們的求婚方式

明星偶像被求婚,粉絲們當然戥佢哋開心,同時亦希望自己成為下一個幸運兒,被男友以驚喜方式求婚。即睇4個星級求婚好點子,男友們,係時候學番兩招啦!

鄭嘉穎──飛機求婚

去年8月,鄭嘉穎和陳凱琳喺印尼峇里拉埋天窗。原來鄭嘉穎向Grace求婚都係同外遊有關,話說2017年12月,佢哋結伴去加拿大過聖誕,喺長途航機上,鄭嘉穎借故去廁所,偷偷準備好求婚三寶,向準備入睡嘅Grace求婚,令佢喊爆即say ”Yes! I do.”

Article 19_image 1

圖片:陳凱琳ig

 

周杰倫──「病毒式」求婚雙重感動

寵妻狂魔周杰倫拍拖時已經對昆凌寵愛有加,而佢嘅求婚方法都有特別心思。周董同昆凌當年去英國外遊時,去咗當地一家餐廳用膳。周董預先安排咗4對「情侶」先後求婚,令昆凌未say yes便先落淚,然後到佢拎出鑽戒向昆凌「真求婚」,雙重感動,昆凌當然馬上答應!

Article 19_image 2

圖片:周杰倫Facebook

 

陳建州──球賽場上求婚

黑人陳建州嘅求婚方法,相信好啱喜歡體育運動嘅情侶。2010年佢帶女友范瑋琪去睇NBA球賽,球賽間黑人喺場邊拎出戒指和跪下,當住2萬名球迷面前向范范求婚,馬上令全場起哄,范范亦感動落淚應承下嫁黑人。求婚影片更被放上網,至今已有超過80萬瀏覽次數!

Article 19_image 3

圖片:網絡截圖

 

宋仲基──朋友聚會突變求婚派對!

相信大家都知「雙宋」因拍攝《太陽的後裔》而相戀,而宋仲基嘅求婚都搵嚟《太陽的後裔》劇組人員幫手,為佢送上一場浪漫嘅求婚派對!佢地以劇組聚會名義同宋慧喬喺同一間餐廳用膳,用膳期間宋仲基突然拎出鮮花,向宋慧喬求婚。伴隨眾好友嘅祝福,簡單又溫馨嘅求婚令女神既驚且喜! 

Article 19_image 4

網絡圖片