跟著日劇求婚去!3大日劇求婚場景推介

預約求婚諮詢

求婚知識庫

「覺得「差不多到了該求婚的時候!」,卻總是在煩惱不曉得該從何著手?我們悉心準備了「符合兩人預算及理想的幸福婚戒」、「最真誠的求婚告白建議」、以及「熱門求婚場地」等,希望能夠協助您一掃求婚準備時的困惑與煩惱!

跟著日劇求婚去!3大日劇求婚場景推介

日劇表現手法細膩,無論係以前定而家,一向都深受劇迷喜愛。當中出現過好多經典嘅場景,一於帶埋鍾意煲日劇嘅佢去到呢啲場景度求婚,令佢回想喺劇入面嘅浪漫情節,一定事半功倍!

台場海濱公園

04 bridge

(圖片來源:《戀愛世紀》劇照)

經典日劇《戀愛世紀》好多人都睇過,木村拓哉同埋松隆子拍拖嘅地方就係台場海濱公園。喺公園可以望到著名嘅嘅彩虹大橋,浪漫美麗。其實有唔少日劇,例如《東京愛情故事》、《魔女的條件》都係喺台場取景嘅,富士電視台亦都係坐落喺呢度,喺度求婚分分鐘會撞到明星

森綠道公園

04 1385055519-1283267174(圖片來源:《Hero》劇照)

木村拓哉果然係日劇之神,跟住落嚟介紹嘅場景同樣嚟自木村嘅日劇《Hero》。《Hero》片頭同片尾出現嘅地方就係位於江東區嘅森綠道公園,《絕對零度》、《課長島耕作》都有喺呢度取景!建議情侶可以喺櫻花盛開嘅季節嚟,兩旁嘅櫻花花瓣緩緩落下,喺度求婚特別浪漫!

惠比壽花園廣場

04(圖片來源:《流星花園》劇照)

日劇版《流星花園》最令人記憶深刻嘅場景,應該就係惠比壽花園廣場嘞,亦因為呢套劇嘅關係,令到呢個場景爆紅,有好多fans特登嚟朝聖!電影版結局,道明寺同杉菜仲喺廣場上面舖紅地毯舉辦婚禮,真係睇到好多女仔心心眼!就算唔咁大陣仗,就咁跪喺度求婚,相信都一定冧到暈!